0:00
/
1ܒܵܬَܪ ܐܲܢܹܐ ܡܸܢَܕܪܸܫَ ܡܘܼܚܙܹܐܠܹܗ ܓܵܢܹܗ ܝܼܫܘܿܥ ܠܬܲܠܡܝܼܕܘܼ̈ܗܝ: ܠܟܸܣ ܝܵܡܵܐ ܕܛܹܒܲܪܝܼܘܿܣ ܐܝܼܢܵܐ ܗܲܕܟ̣ܵܐ ܡܘܼܚܙܹܐܠܹܗ. 2ܡܸܚܕܵܕܹ̈ܐ ܗ݇ܘܵܘ ܫܸܡܥܘܿܢ ܟܹܐܦܵܐ: ܘܬܐܘܿܡܵܐ: ܕܩܸܪܝܵܐ ܗ݇ܘܵܐ ܕܸܕܘܼܡܘܿܣ (ܓ̰ܲܡܵܐ): ܘܢܵܬܢܝܼܐܹܝܠ ܗ̇ܘ ܕܡ̣ܢ ܩܵܛܢܹܐ ܕܓܠܝܼܠܵܐ: ܘܒܢܘܿܢܹ̈ܐ ܕܙܲܒ̣ܕܲܝ: ܘܬܪܹܝ ܐ݇ܚܹܪ̈݇ܢܹܐ ܡ̣ܢ ܬܲܠܡܝܼܕܹ̈ܐ.3ܐܵܡܸܪ ܐܸܠܵܝܗܝ ܫܸܡܥܘܿܢ ܟܹܐܦܵܐ: ܒܹܐܙܵܠܵܐ ܝܘܸܢ ܠܸܨܝܵܕܵܐ ܢܘܼܢܹ̈ܐ. ܐܵܡܪܝܼ ܐܸܠܹܗ: ܘܐܘܼܦ ܐܲܚܢܲܢ ܐܵܬܵܚ ܥܲܡܘܼܟ ܘܦܠܸܛܠܗܘܿܢ ܘܐܣܸܩܠܗܘܿܢ ܠܓܵܡܝܼ: ܘܒܗ̇ܘ ܠܲܝܠܹܐ ܡܸܢܕܝܼ ܠܵܐ ܨܸܕܠܗܘܿܢ. 4ܐܝܼܢܵܐ ܟܲܕ ܗَܘܹܐܠܹܗ ܨܲܦܪܵܐ: ܝܼܫܘܿܥ ܟܠܹܐܠܹܗ ܥܲܠ ܡܵܪܙܵܐ ܕܝܵܡܵܐ: ܘܠܵܐ ܝܕܸܥܠܗܘܿܢ ܬܲܠܡܝܼܕܹ̈ܐ ܕܝܼܫܘܿܥ ܗ݇ܘܵܐ. 5ܘܐَܡܝܼܪܹܗ ܐܸܠܵܝܗܝ ܝܼܫܘܿܥ: ܝܵܠܹܕَܐ: ܐܝܼܬ ܠܵܘܟ̣ܘܿܢ ܡܸܢܕܝܼ ܠܹܐܟ̣ܵܠܵܐ: ܓ̰ܘܼܘܸܒܠܗܘܿܢ ܐܸܠܹܗ: ܠܵܐ. 6ܐܵܡܸܪ ܐܸܠܵܝܗܝ: ܕܪܹܝܡܘܿܢ ܓܲܪܕܵܘܟ̣ܘܿܢ ܡ̣ܢ ܓܹܒܵܐ ܕܝܲܡܝܼܢܵܐ ܕܓܵܡܝܼ: ܘܒܸܬ ܡܲܫَܟ̰ܚܝܼܬܘܿܢ ܘܕܪܹܠܗܘܿܢ: ܘܠܵܐ ܡܨܹܐܠܗܘܿܢ ܐ݇ܚܹܪ݇ܢܵܐ ܠܸܓܪܵܫܹܗ ܡ̣ܢ ܒܘܼܫܵܝܝܼ ܕܢܘܼܢܹ̈ܐ ܕܕܒܼܸܩܠܵܗ̇. 7ܘܗ̇ܘ ܬܲܠܡܝܼܕܵܐ ܕܡܲܚܸܒ ܗ݇ܘܵܐ ܠܹܗ ܝܼܫܘܿܥ ܐَܡܝܼܪܹܗ ܠܟܹܐܦܵܐ: ܡܵܪܲܢ ܝܼܠܹܗ. ܐܝܼܢܵܐ ܫܸܡܥܘܿܢ ܟܹܐܦܵܐ ܟܲܕ ܫܡܸܥܠܹܗ ܕܡܵܪܲܢ ܝܼܗ݇ܘܵܐ: ܫܩܸܠܹܗ ܨܘܼܕܪܹܗ ܡܚܹܐܠܹܗ ܒܚܵܨ̈ܘܼܗܝ؛ ܣܵܒܵܒ ܫܘܼܠܚܵܝܵܐ ܗ݇ܘܵܐ: ܘܪܘܼܦܝܠܹܗ ܓܵܢܹܗ ܓܵܘ ܝܵܡܵܐ. 8ܐܝܼܢܵܐ ܬܲܠܡܝܼܕܹ̈ܐ ܐ݇ܚܹܪ̈݇ܢܹܐ ܐ݇ܬܹܐܠܗܘܿܢ ܓܵܘ ܓܵܡܝܼ ܙܥܘܿܪܬܵܐ: ܣܵܒܵܒ ܠܹܐ ܗ݇ܘܵܘ ܪܸܚܩܵܐ ܪܵܒܵܐ ܡ̣ܢ ܐܲܪܥܵܐ: ܐܸܠܵܐ ܐܲܝܟܼ ܬܪܹܝܡܵܐܐ ܝܲܡܝܼܢܹ̈ܐ: ܘܓܵܪܫܝܼ ܗ݇ܘܵܘ ܠܹܗ ܓܲܪܕܵܐ ܕܢܘܼܢܹ̈ܐ. 9ܐܝܼܢܵܐ ܟܲܕ ܐܣܸܩܠܗܘܿܢ ܠܐܲܪܥܵܐ: ܚܙܹܐܠܗܘܿܢ ܓܘܼܡܪܹ̈ܐ ܡܘܼܬܒܹܐ: ܘܢܘܼܢܵܐ ܡܘܼܬܸܒ̣ܬܵܐ ܥܲܠܵܝܗܝ: ܘܠܲܚܡܵܐ. 10ܐَܡܝܼܪܹܗ ܐܸܠܵܝܗܝ ܝܼܫܘܿܥ: ܡܲܝܬَܝܡܘܿܢ ܡ̣ܢ ܢܘܼܢܹ̈ܐ ܕܸܨܸܕܠܵܘܟ̣ܘܿܢ ܐܵܕܝܼܵܐ. 11ܘܐ݇ܣܸܩܠܹܗ ܫܸܡܥܘܿܢ ܟܹܐܦܵܐ: ܘܓܪܸܫܠܹܗ ܠܓܲܪܕܵܐ ܠܐܲܪܥܵܐ: ܟܲܕ ܡܸܠܝܵܐ ܢܘܼܢܹ̈ܐ ܓܘܼܪܹ̈ܐ: ܡܵܐܐ ܘܚܵܡܫܝܼ ܘܬܠܵܬَܐ: ܘܒܐܲܢܹܐ ܟܠܵܝܗܝ ܠܵܐ ܟ̰ܘܼܢܟ̰ܸܪܹܐ ܓܲܪܕܵܐ. 12ܘܐَܡܝܼܪܹܗ ܐܸܠܵܝܗܝ ܝܼܫܘܿܥ: ܬܹܐܡܘܿܢ ܐَܟ̣ܘܿܠܘܿܢ ܫܵܪܘܼܬܵܐ: ܐܝܼܢܵܐ ܐ݇ܢܵܫܵܐ ܡ̣ܢ ܬܲܠܡܝܼܕܹ̈ܐ ܠܵܐ ܩܘܼܫܕܸܪܹܗ ܕܒܵܩܸܪܹܗ: ܡܵܢܝܼ ܝܘܸܬ: ܟܲܕ ܝܕܸܥܠܗܘܿܢ: ܕܡܵܪܲܢ ܝܼܗ݇ܘܵܐ. 13ܐَܬܹܐܠܹܗ ܝܼܫܘܿܥ ܘܫܩܸܠܹܗ ܠܲܚܡܵܐ: ܘܗܲܕܟ̣ܵܐ ܢܘܼܢܵܐ: ܘܝܘܼܗَܒܼܸܠܹܗ ܐܸܠܵܝܗܝ. 14ܐܵܗܵܐ ܓܵܗܵܐ ܕܬܠܵܬَ ܦܸܫܠܹܗ ܚܸܙܝܵܐ ܝܼܫܘܿܥ ܠܬܲܠܡܝܼܕܘܼ̈ܗܝ ܟܲܕ ܩܸܡܠܹܗ ܡ̣ܢ ܡܝܼܬܹ̈ܐ. 15ܐܝܼܢܵܐ ܟܲܕ ܐَܟܼܸܠܗܘܿܢ ܫܵܪܘܼܬܵܐ: ܐَܡܝܼܪܹܗ ܝܼܫܘܿܥ ܠܫܸܡܥܘܿܢ ܟܹܐܦܵܐ: ܫܸܡܥܘܿܢ: ܒܪܘܿܢܵܐ ܕܝܘܿܚܲܢܵܢ: ܟܹܐ ܡܲܚܸܒܸܬ ܠܝܼ ܙܵܘܕܵܐ ܡ̣ܢ ܕܐܲܢܹܐ: ܐܵܡܸܪ ܐܸܠܹܗ: ܗܹܐ: ܡܵܪܝܼ: ܐܲܢَܬ ܒܝܼܕܵܥܝܵܐ ܝܘܸܬ ܕܟܹܐ ܡܲܚܸܒܸܢܘܼܟ. 16ܐܵܡܸܪ ܐܸܠܹܗ: ܡܲܪܥܝܼ ܠܝܼ ܦܹܐܪ̈ܝܼ. ܐܵܡܸܪ ܐܸܠܹܗ ܡܸܢَܕܪܸܫَ ܓܵܗܵܐ ܕܬܲܪ̈ܬܹܝ: ܫܸܡܥܘܿܢ: ܒܪܘܿܢܵܐ ܕܝܘܿܚܲܢܵܢ: ܟܹܐ ܡܲܚܸܒܸܬ ܠܝܼ: ܐܵܡܸܪ ܐܸܠܹܗ: ܗܹܐ: ܡܵܪܝܼ: ܐܲܢَܬ ܒܝܼܕܵܥܝܵܐ ܝܘܸܬ ܕܟܹܐ ܡܲܚܸܒܸܢܘܼܟ. ܐܵܡܸܪ ܐܸܠܹܗ ܝܼܫܘܿܥ: ܡܲܪܥܝܼ ܠܝܼ ܥܸܪ̈ܒܝܼ. 17ܐܵܡܸܪ ܐܸܠܹܗ ܝܼܫܘܿܥ ܡܸܢَܕܪܸܫَ ܓܵܗܵܐ ܕܬܠܵܬَ: ܫܸܡܥܘܿܢ: ܒܪܘܿܢܵܐ ܕܝܘܿܚܲܢܵܢ: ܟܹܐ ܡܲܚܸܒܸܬ ܠܝܼ: ܘܦܫܸܡܠܹܗ ܟܹܐܦܵܐ ܕܐَܡܝܼܪܹܗ ܐܸܠܹܗ ܓܵܗܵܐ ܕܬܠܵܬَ: ܟܹܐ ܡܲܚܸܒܸܬ ܠܝܼ: ܘܐَܡܝܼܪܹܗ ܐܸܠܹܗ: ܡܵܪܝܼ: ܐܲܢَܬ ܒܟܠ ܡܸܢܕܝܼ ܟܹܐ ܝܵܕܥܸܬ: ܐܲܢَܬ ܒܝܼܕܵܥܝܵܐ ܝܘܸܬ ܕܟܹܐ ܡܲܚܸܒܸܢܘܼܟ. ܐܵܡܸܪ ܐܸܠܹܗ ܝܼܫܘܿܥ: ܡܲܪܥܝܼ ܠܝܼ ܘܲܥܢܝܼ̈. 18ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܘܼܟܼ: ܕܟܲܕ ܓ̰ܘܲܢܩܵܐ ܝܘܸܬ ܗ݇ܘܵܐ: ܐܲܢَܬ ܒܓܵܢܘܼܟ ܟܹܐ ܐܵܣܪܸܬ ܗ݇ܘܵܐ ܚܵܨܘܼܟ: ܘܚܵܕܪܸܬ ܗ݇ܘܵܐ ܠܐܲܝܟܵܐ ܕܒܵܣܡܵܐ ܗ݇ܘܵܐ ܠܘܼܟܼ. ܐܝܼܢܵܐ ܐܝܼܡܲܢ ܕܣܵܝܒܸܬ: ܒܸܬ ܦܵܫܛܸܬ ܐܝܼܕܵܬܘܼ̈ܟ: ܘܐ݇ܚܹܪ݇ܢܵܐ ܒܸܬ ܐܵܣܸܪ ܐܸܠܘܼܟܼ ܚܵܨܘܼܟ: ܘܠܵܒܸܠܘܼܟܼ ܠܐܲܝܟܵܐ ܕܠܵܐ ܒܵܣܡܵܐ ܠܘܼܟܼ. 19ܐܝܼܢܵܐ ܐܵܗܵܐ ܐَܡܝܼܪܹܗ ܕܡܲܚܙܹܐ ܗ݇ܘܵܐ ܒܡܘܼܕܝܼ ܡܵܘܬܵܐ ܒܸܬ ܫܵܒܸܚ ܗ݇ܘܵܐ ܠܐܲܠܵܗܵܐ. ܘܟܲܕ ܐَܡܝܼܪܹܗ ܐܲܢܹܐ: ܐَܡܝܼܪܹܗ ܐܸܠܹܗ: ܬܵܐ ܒܵܬَܪܝܼ. 20ܕܸܪܹܗ ܟܹܐܦܵܐ: ܚܙܹܐܠܹܗ ܠܗ̇ܘ ܬܲܠܡܝܼܕܵܐ ܕܟܹܐ ܡܲܚܸܒ ܗ݇ܘܵܐ ܠܹܗ ܝܼܫܘܿܥ ܒܹܐܬܵܝܵܐ ܒܵܬَܪܹܗ: ܗ̇ܘ ܕܓܸܢܝܵܐ ܗ݇ܘܵܐ ܒܐَܟܼܵܠَܪܲܡܫܵܐ ܥܲܠ ܨܲܕܪܹܗ ܕܝܼܫܘܿܥ: ܘܐَܡܝܼܪܹܗ: ܡܵܪܝܼ: ܡܵܢܝܼ ܝܠܹܗ ܗ̇ܘ ܕܒܸܬ ܣܵܦܹܐ ܠܘܼܟܼ. 21ܗܲܕܟ̣ܵܐ ܟܲܕ ܚܙܹܐܠܹܗ ܟܹܐܦܵܐ ܠܐܵܗܵܐ: ܐَܡܝܼܪܹܗ ܠܝܼܫܘܿܥ: ܡܵܪܝܼ: ܘܐܵܗܵܐ ܡܘܼܕܝܼ. 22ܐܵܡܸܪ ܐܸܠܹܗ ܝܼܫܘܿܥ: ܐܸܢ ܒܵܣܡܵܐ ܠܝܼ ܕܥܲܪܩܸܠ ܐܵܗܵܐ ܗܲܠ ܕܐܵܬܸܢ: ܐܸܠܘܼܟܼ ܡܘܼܕܝܼ: ܐܲܢَܬ ܬܵܐ ܒܵܬَܪܝܼ. 23ܘܦܠܸܛܠܵܗ̇ ܗܲܕܟ̣ܵܐ ܐܵܗܵܐ ܗܹܡܸܙܡܵܢ ܓܵܘܵܐ ܕܐܵܚܘܿܢܘܵܬܹ̈ܐ: ܕܗ̇ܘ ܬܲܠܡܝܼܕܵܐ ܠܹܐ ܡܵܝܸܬ ܗ݇ܘܵܐ. ܐܝܼܢܵܐ ܝܼܫܘܿܥ ܠܹܐ ܗ݇ܘܵܐ ܕܠܹܐ ܡܵܝܸܬ ܐَܡܝܼܪܹܗ: ܐܸܠܵܐ: ܐܸܢ ܒܵܣܡܵܐ ܠܝܼ ܕܥܲܪܩܸܠ ܐܵܗܵܐ ܗܲܠ ܕܐܵܬܸܢ: ܐܸܠܘܼܟܼ ܡܘܼܕܝܼ. 24ܐܵܗܵܐ ܝܠܹܗ ܗ̇ܘ ܬܲܠܡܝܼܕܵܐ ܕܝܘܼܗَܒ̣ܵܐ ܝܠܹܗ ܣܵܗܕܘܼܬܵܐ ܥܲܠ ܕܐܲܢܹܐ: ܘܐܘܼܦ ܟܬܝܼܒ̣ܵܝܠܹܗ: ܘܒܝܼܕܵܥܝܵܐ ܝܘܵܚ ܕܣܲܪܲܣܬ ܝ݇ܠܵܗ̇ ܣܵܗܕܘܼܬܹܗ. 25ܐܝܼܢܵܐ ܐܝܼܬ ܐܘܼܦ ܪܵܒܵܐ ܡܸܢܕܝܵܢܹ̈ܐ ܐ݇ܚܹܪ̈݇ܢܹܐ ܕܥܒܸܕܠܹܗ ܝܼܫܘܿܥ: ܐܵܢܝܼ ܕܐܸܢ ܚܕܵܐ ܚܕܵܐ ܦܵܝܫܝܼ ܗ݇ܘܵܘ ܟܬܝܼܒܹܐ: ܐܘܼܦ ܠܵܐ ܐܵܗܵܐ ܥܵܠܡܵܐ: ܕܒܸܚܫܵܒ̣ܵܐ ܝܘܸܢ: ܒܸܬ ܡܵܠܹܐ ܗ݇ܘܵܐ ܠܟܬܵܒܹ̈ܐ ܕܦܵܝܫܝܼ ܗ݇ܘܵܘ ܟܬܝܼܒܹܐ.